ها العسة، رجعت لسوق النسا
فيه الداخلات و الخارجات
في المركشيات و الصويريات
فيه الرباطيات و البيضاويات
فيه السوسيات و الصحراويات
ملمومات بعلام المغربيات
سوقنا سوق كبير
يعرفو الصغير قبل الكبير
سوقنا لعديانا شعال لعوافي
ما تقد عليه لا بحور لا مطافي
فسوقنا البنت تلقا سعدها
و المرا تنحي رجلها قبل يدها
تبوريدة عندنا بلا خيل
و المعنى نخبيوه من جيل لجيل
ها العسة رجعت لسوق النسا
واياكم يا الرجال
أحلامكم محال
محال تغير ليكم حال
راحنا غير مطولين عليكم البال
طراخ طراخ طراخ
البارود فعين الحسود
طراخ طراخ طراخ
2 التعليقات:
كلمات جميلة أريف فقط أن أعرف ما معنى و المرا تنحي رجلها قبل يدها ؟
الله يستر منك يا سناو وخلاص .. القضية صعيبة
إرسال تعليق