سوق النْــسَــا: كيد النسا

مكر النسا حكاو عليه ناس زمان وقالوا: سوق النسا سوق مطيار، الداخل لازم يرد بالو.. يوريوه من الربح قنطار ويديو له راس مالو.

الراجل ديما يشقى، وبالصراحة هلكاتو القفة. يعطي مئة درهم في النهار، ولما بالليل يرجع للدار، يلقى ماكلة قليلة، ما تشبع عيلة ولا تصبروا على جوع ليلة..

الراجل شك فمرتو وقال: هادي تنقص من مصاريف الدارْ. تاخذ الفلوس وتقلل العْبَارْ. خاصني نواجهها، ولا بد نصارحها.

المرا قالت ليه: معايا راك تبقى، النهار كلو وأنا نشقى. بعدما تشري القفة ب 100 درهم وتشوف غداك فهاد اليوم بعينيك، وتاكل الرزق اللي عطاك الله بايديك.

الراجل شرا قفة عامرة من عند خضار معروف، جلس حدا مرتو هي تطبخ وهو يشوف، الخضر أشكال وأنواع، هالبطاطا،هالخرشوف الصراحة كان حاضي مزيان، وعينو ماغفلات عالميزان، والخير كان كثير كايبان.

ولكن الزيت كان ناقص ولازم يجيبو، جبد الفلوس من جيبو، ومشا يعيط على جار قريبو، باش يجيبو ليه. هو مابغا على مرتو يغفل عينيه...

المرا حطات غداها في الطنجرة، قالت ليه بقا واقف باش تصدقني وتاخذ العبرة. لكن اللي غفل عليه الراجل، أن نص الخضر مشا مع الزبل، ملي هو فدقيقة غفل.

الغدا طاب وتحط فطبسيل، الراجل جاه داكشي قليل. شاف فالمرة وبصم بالعشرة: يا لالة السماحة بغيت، بعيني شفت والقرار عطيت، بالقفة تكلفي، وبالدراهم تصرفي. خذي اللي بغيتي، وعملي كيف حبيتي....

يا الداخل فشؤون النسا.. تعلم كيفاش تنسا..

احم احم،
للأمانة النسوية، الصور مأخوذة من مصادرها المختلفة. ابحثوا عنها ولكم مليون تحية.

سوق النْــسَــا

كيد النسا

19 التعليقات:

إرسال تعليق

كلام في كلام

أقسام المدونة

صفحتنا على الفايسبوك

المشاركات الشائعة

أقلام نسوية

أرشيف المدونة

المتابعون